回顧前一日: 桂林DAY2 (大瑤寨梯田觀景區-萬景樓客棧,西山韶樂)
話咁快就嚟到第三日喇! 天未光就起身想睇日出,所以就半摸黑行上一號觀景台,等晨光第一線0.0 只可惜大陸空氣污染實在太勁,灰曚曚一片,所以睇唔倒日出=[失望T.T
咁起其中一級田有好多雞通山跳haha事後先知原來係婆婆嘅雞0.0如果噚日有叫到竹筒雞,佢就要喺度捉雞殺>.<即殺即煮 >.<
由於噚日怕梯田山上面夜晚冇野食,所以早喺士多買左2杯杯麵做宵夜0.0(但其實用唔著0.0)所以今朝就用左佢做早餐XD 食完早餐之後就退房,周圍遊喇。第一個景點就係"七星追月"(二號觀景台) 其實大瑤寨梯田觀景區主要都係得戈3個觀景台,而且都唔太遠(至少由一號觀景台行去二號觀景台唔太遠喇0.0) 咁喺行去途中經過啲民居,見倒佢哋擦完牙啲啷口水係直接由2樓噴落街>.<一唔小心行會中頭獎 =.=
過左民居之後冇耐就到”七星追月”喇
由 “七星追月”望返山下田頭寨(噚日行上山戈條村)
由一號觀景台行去二號觀景台就唔太遠嘅,但由二號去三號就遠好多喇! 因為三號觀景台"金佛頂"係喺另一個山頭嘅0.0所以要落完山再上山 >.<而且上山條路一.啲.都.唔.簡.單...沿途仲有路人問我行唔行倒,有冇封路,其實小心啲去行都行倒嘅XD
過完條泥路之後就開始上山,坐山望落好高,而且只有不停無止境咁上樓梯@@
過完條泥路之後就開始上山,坐山望落好高,而且只有不停無止境咁上樓梯@@
終於上到"金佛頂"喇XD金佛頂係唯一一個觀景台可以望哂其他兩個觀景台。而且如果唔想行山,或者行動不便嘅,呢度亦有吊車由停車場上來,但1人1程都要55蚊人仔(由桂林上來都係50蚊)咁作為窮遊嘅我哋就緊係冇坐喇XD
其實我哋上到嚟就已經成點幾鐘@@而回程返桂林嘅班次係15:00,所以上到來又要拿拿林影幾張就要急急腳落山=[其實都符合我哋一如既往嘅風格(趕尾班車)XD
話說落山嘅時候,距離我哋班車開嘅時間剩低45分鐘,喺我哋就考慮比唔比110人仔坐吊車之際,就聽倒個義工話由金佛頂落到停車場要45分鐘@@ 咁我哋就博一博,單車變摩托,急急腳行落山喇。落到停車場,仲要去埋廁所都只係用左半個鐘XD 咁就省返110人仔XD
落到桂林,就又行返酒店附近戈個夜市,為嘅就係買啲燒蠔,串燒返酒店食。當然,最重要就緊係買手信喇XD (請留意下圖LEO買到拎到眼神死XD)
返到去Check in,個FO竟然話冇我哋Booking,好彩我有帶我喺Agoda張收據,但佢哋竟然話冇哂房剩!!好無奈=.=最後佢哋有個經理帶左我哋去對面街一家酒店安置我哋。而間房亦都大過我原先Book戈間,所以算數。但後來我返到香港用Agoda揾返戈間酒店,原來係平.好.多.!!不過,過左去就算喇!=[ 桂林,冇下次!! 如果有機會,我寧願去陽朔,之後直上梯田!
各位,下篇 “台中篇”見=]
留言列表
