由於我哋兩個之前都未寫過遊記,所以文筆同相都可能有d生硬0.0希望各位讀者睇完之後留個言,話比我哋知有乜改善嘅地方 唔該哂=]
由於我們兩人從未寫過遊記,所以文筆和相可能有點兒生硬0.0希望各位讀者看後留言,告訴我們有什麼不足之處,予以改善 謝謝=]
我哋就簡左桂林去寫我哋第一篇嘅遊記。但其實早喺去桂林2年之前,我哋兩兄弟一齊去過沖繩本島,只係因為戈時仲未買相機,所以回憶同d相都一樣冇咁清晰。如果大家想睇嘅話我哋之後後補寫返都得 XD
我倆選擇了桂林作為第一篇遊記的題材。但其實去桂林早在兩年之前,我們兩兄弟已經結伴遊了沖繩本島,只是因為那時我倆還未購買相機,所以回憶和相片都不太清晰。如果大家想看的話我們後補寫回也行XD
我哋起今年(2018年)3月尾,復活節假嘅時候去左(假)5日4夜(真)3日2夜桂林。因為我哋要趕撘07:21火車由深圳北去桂林,所以我哋要早一晚起深圳北站附近過晚夜。因為個個都抓著復活節假尾巴嘅關係,我們買唔倒晏D嘅飛,所以回程就焗住撘10:58火車落返深圳北。正因如此頭尾變相就冇左2日HAHA 如果大家難得放假,想出來短線遊幾日,又唔想矣貴機票嘅,不妨可以考慮下返大陸坐高鐵 ^^
我們在今年(2018年)3月後旬,正值復活節假的時候去了(假)5日4夜(真)3日2夜桂林遊。因為我們要趕坐07:21高鐵由深圳北去桂林,所以我們早一晚就住在深圳北站附近。因為復活節假的關係,我們買不了晚一點的票,所以回程只好坐10:58火車回深圳北。正因如此變成了3日2夜桂林遊HAHA 如果大家有假期,想出來短線遊幾天,又唔想買貴機票的話,可以考慮下回內地坐高鐵 ^^
一大清早就要趕火車 @@深圳北站其實幾大,裏面有幾間快餐店同有士多,只係朝早開嘅其實唔多。我地就求求奇奇食左碗0味道嘅白粥附送1包炸菜(以為大陸樣樣都勁重味精@@但碗粥真係0味道,係連鹽都冇滴0.0)深圳北站有成幾廿個月台,每個月台都好似登機閘口咁有哂目的地指示牌,所以都唔難嘅=]
提醒返大家先!大陸高鐡係準時開出架!!所以1定要提早到火車站做安檢。至於換飛方面其實都唔太複雜,去到個Counter比個訂單號碼同回鄉證佢,佢就出倒張飛比你架喇。不過緊記要預鬆d時間!!因為d人做野好慢好慢@@前面得5個人都可以排你3幾個字@@
去廣州站途中都係捐吓山窿同睇到厭嘅城市景,但離開正廣州站之後嘅景色唔錯架。我地坐班車途中經過陽朔,不過班班車去嘅站,停嘅站都有D唔同嘅
坐左成3個幾鐘火車終於到桂林站0.0 桂林站同深圳北,廣州南站整體外觀都相差好大!1睇就知係經濟嘅差距。不過尼d先係我哋想要嘅旅遊,就係咁先有趣味吖嗎,係咪? ^.<
1出桂林北高鐵站,就有幾個人圍住你,問你坐唔坐的士,(佢哋唔肯跳標,出市區收成60蚊人仔)佢地話巴士又疏又兜路所以唔建議我地搭。其中有1人開價40，比我哋講到廿幾,咁就諗住是但求期上佢車,起行緊佢架車其間，佢就sell我哋join咩灕江遊,我地留起桂林時間都唔多，表明唔去之後，佢就叫我地坐巴士喇，仲教埋我地坐100路巴士 tim。haha其實咁仲好!咁我地就行去等巴士，等左冇10分鐘就有車，坐到去十字街站落車,就已經到市中心,車程不過係20分鐘,人均都只係2蚊人仔0.0！
其實桂林市內撘坐巴士基本上都可以去哂大部份景點，而且人均車費都衹係3蚊人仔以內，用 http://m.8684.cn/guilin_bus 可以check倒坐邊條巴士線，邊度落，轉邊架，好方便😂😂
初來桂林報到,肚又餓餓地就喺附近食左碗螺螄粉,桂林米粉好滑,但係湯底好辣,辣到係飲唔倒,而且碗粉加左酸荀酸豆同螺肉所以有dd臭。不過真係幾好食,重點係抵食,1碗8蚊人仔左右有交易。所以成個旅程我哋大大小小都食左十幾碗桂林米粉。haha
醫飽左個肚就直接出發去蘆笛岩喇^^ 由十字路出發到蘆笛岩只需撘一程巴士(3路公車) 就可以直達,車程大約半個鐘,車費2蚊位。值得留意嘅係成個十字路有8個巴士站,站名都係叫"十字路" 如果去蘆笛岩就係我圈住戈個站上車=]
而門票我哋就經永安apps買嘅,比起到場買平好多!但因為我買戈時,人已經喺大陸,所以比完錢之後收唔倒佢send嚟嘅sms驗證碼同QR code =[ 唯有直接打左去永安call center,搞左一大輪又等左一排先放行=[
蘆笛岩作為老牌景點之一,搵佢打頭炮就最好不過=] 不過正因佢係老牌景點,所以參觀遊客都幾多@@蘆笛岩規模都幾大,我哋都行左個幾鐘(不過我哋行嘅時間只可作參考 haha 因為我哋都好鐘意影相...你哋明喇影相嘅嘢好講feel,所以攞角度較光圈快門iso白平衡用左好多時間@@)蘆笛岩裏面d怪石都打唒燈,雖然冇左陣自然味,但因為燈光所以睇落多左層次。有辣有唔辣喇,針冇兩頭利嘅XD 咁廢話唔講咁多喇,立即去相XD
離開左蘆笛岩之後,我哋下一站就去象鼻山=]之所以會1日去咁多地方係因為是次桂林遊主力去梯田,所以留桂林市時間唔太多=] 由蘆笛岩去象鼻山又係撘3路公車,去到西城路口落車再沿住條河行就到架喇=]
我地都用永安apps去買象鼻山門票,但拎飛好順利喎0.0
上象鼻山途中可以居高臨下望倒桂林市同灕江,靚雖然就真係幾靚,不過空氣污染實在太勁所以扣左d分=[。
上到山頂附近有個叫"普賢塔"嘅磚塔,話建於明朝,用嚟供奉菩賢菩薩。
入左象鼻山隻象眼XD 其實係山上面嘅山洞來,裏面好涼好舒服^^仲有幾滴山水由頂滴下0.0
沿住落山條路就行到條象鼻,近影條象鼻原來裏面有古人刻左首詩0.0仲要係用繁體字^^ 喺內地見倒繁體字即刻加左分XD
我哋近影完條象鼻之後,諗住過河過對面岸,嚟影個象鼻山全貌。不過過橋時比場地職員催我哋快D離園,話已經過左閂園時間。咁我地半信半疑,為免阻人收工所以就走,冇再行落去。離開左公園之後,發現原來好多人都仲未走,但冇人趕佢地。我哋就拎住張飛問入口職員可唔可以比我哋入去影多兩張,影完就走。(點知佢哋話得張飛唔夠,要拎埋關羽先得。我講笑 HAHA) 佢叫我哋買張夜場學生飛(80人仔)先入得返去=[ 當下就嬲嬲哋走左喇0.0反正空氣污染都勁,而且又多雲都影得唔靚,無謂洗多160人仔比佢=[
離開左象鼻山之後就去西城路夜市,位置就喺落巴士個位附近。我哋就喺行去途中附近搵左間麵店又食左碗好滑嘅米粉=]
西城路步行街又係一個遊客區,所以買野可以講價=] 步行街頭段有好多紅色帳篷,賣嘅有D手工品,亦有大部份係嘢食手信。條路兩旁亦有好多大舖手信店。而步行街尾段就係以食肆為主。咁步行街中段就有間叫"田螺姑娘"嘅小食店,我5年前去食過幾好食,但可昔今次去佢話大田螺賣哂,所以就冇食喇,我哋就轉攻附近小巷入面嘅螺螄粉。依我哋食過十幾碗桂林米線所得,如果D米線滑,食落就唔會QQ der 相反亦都係。所以係唔會有碗米線又滑食落又QQ 0.0 而我哋覺得食過最滑嘅米線係喺象山公園附近嘅麵店,而最QQ的係喺西城路步行街中間1段小巷內的平民小舖0.0
行左陣西城路步行發現冇乜特別之後,因為食左兩碗麵而飽到上心口,所以就決定行返酒店。咁途中就經過日月雙塔文化公園,純粹入園行過圈係免費,當然坐船另計喇。戈兩座塔夜晚會打燈打到一金一銀真係幾靚嘅。
不過就唔識欣賞連D樹都打埋燈,搞到奇奇怪怪咁=0=
離開左日月雙塔公園冇耐,穿過另一個夜市就返到酒店喇。正陽路步行街比啱啱個西城路步行街長得多,而且好多小食店好吸引 HAHA 啱啱散完步消化完就又買返幾串嘢咬吓XD去旅行就係要認識當地飲食文化XD
受到其中一檔炸昆虫嘅鋪頭吸引住,買咗隻炸蝎子試1試膽 =0= 喺大陸食炸蝎子喎,保險包唔包架!!!!????
唔係吹水架,我哋真係買架!仲要唔大隻唔買 0.0 你睇!大過我塊面咁制@@但其實衝過咗心理關口之後,其實味道唔難食,因為個面灑左好多味粉,只係個殻好硬好難咬,而裏面D肉質就有D似瀨尿蝦。不過如果比我簡,我會想食瀨尿蝦多啲 HAHA不過旅行做多啲嚐試,體驗多啲嘢都幾有趣架 XD
行完正陽路步行街過條馬路,又有另一個夜市。見仲有小小體力就行埋啦!不過呢個規模細好多,但裝修得幾有味道。
行埋就真係返酒店喇0.0因為第二日要早起趕巴士上龍脊梯田@@要養足精神行山去
留言列表
